Chie est interessadu a creare impresas o atividades autònomas noas e si cheret fàghere agiuare in s'anàlisi de sos aspetos econòmicu-finantziàrios e de sos passos burocràticos de fàghere podet partetzipare a su progetu GAIA, a cura de s'Agentzia formativa Tecnofor srl e de su GAL Terras de Olia.
Su cursu est de 120 oras e tratat sos argumentos chi sighint:
- Formatzione pro tènnere connoschèntzias e cumpetèntzias imprenditoriales (30 oras in presèntzia);
- Consulèntzia pro aviare s'atividade imprenditoriale (30 oras in presèntzia e online);
- Assistèntzia tècnica pro chie aviat atividades econòmicas noas (60 oras in presèntzia e online).
Su cursu est pro 30 persones, s'at a fàghere in Cùglieri e pro bi partetzipare non si pagat nudda.
Si bi podet iscrìere chie est disocupadu o traballadore in CIGS, ASPI e Mobilidade. Tocat a tènnere residèntzia o domitzìliu in Sardigna e a àere fatu s'iscola de s'òbligu.
Sas iscritziones cherent fatas intro de su 21 de nadale 2018 (pro sas racumandadas non balet sa data de su timbru postale).
Totu sas informatziones e sos mòdulos de iscritzione los agatades in sos sitos Internet de s'Agentzia Tecnofor e de su GAL Terras de Olia.
Nessun commento:
Posta un commento
Nota. Solo i membri di questo blog possono postare un commento.