Seminàriu pro megiorare sa manera de traballare dae domo

In custu tempus de emergèntzia sas maneras de traballare sunt cambiadas pro totus. Su tele-traballu est una de sas possibilidades chi tenent sas aziendas e sos privados pro sighire sas atividades issoro.

Tenende contu de custu, su Puntu Impresa Digitale de sa Càmera de Cummèrtziu de Aristanis at organizadu un'eventu formativu pro ispiegare comente megiorare sa manera de traballare dae domo.

Su seminàriu s'at a fàghere mèrcuris 22 de abrile dae sas 10 a sas 11,30 de mangianu e bi podent partetzipare impresas, lìberos professionistas e chie totu est interessadu.

In su situ de sa Càmera de Cummèrtziu bi agatades totu sas informatziones e su mòdulu pro si bi iscrìere.

Pro partetzipare non si pagat nudda.
(GFP)