Deghe cumportamentos de pònnere in pràtica

Dae cando est cumintzada s’emergèntzia sanitària causada dae su Coronavirus, su Ministeru de sa Salude at aprontadu unu vademecum cun deghe règulas printzipales pro parare fronte a custa epidemia.  Sunt custas:

1. Samunare, bortas meda in sa die, sas manos cun abba e sabone o cun unu gel a base alcòlica.
2. No istare a faca a persones chi sufrint de infetziones respiratòrias acutas.
3. Non si tocare sos ogros, su nare e sa buca cun sas manos.
4. Ammuntare sa buca e su nare cun mucadoreddos de paperi cando s’istùrridat o si tùssiat. Si non si tenet su mucadoreddu, impreare sa pinniga de su cùidu.
5. Non leare meighinas antivirales ne’ antibiòticos sena sa prescritzione de su dotore.
6. Innetare sas superfìtzies cun disinfetantes a base de cloro o alcol.
7. Impreare sa mascherina si b’est su suspetu de èssere malàidu o si s’assistit zente malàida.
8. Sas cosas “made in China” e sos pacos retzidos dae sa Tzina non sunt perigulosos.
9. Sos animales de cumpannia non difundent su virus.
10. In casu de dùbbios non tocat de andare a su pronto socorso, ma tocat de cuntatare su dotore de famìllia e pònnere in pràtica sos inditos suos.  

(M.G.S.)