ARCHIVIU NOVAS DE SOS ANNOS COLADOS
Vademecum pro imparare a si trucare
S'11 de abrile est finidu su cursu pro
imparare a si trucare, fatu in Frussio e abertu a sa partetzipatzione de
sas iscritas de Pianalza e Montiferru otzidentale.
Sos
laboratòrios personalizados fatos dae sa mastra Antonella Palmas ant
imparadu a sas dischentes un'arte chi totu sas fèminas cherent
connòschere pro imparare a si fàghere bellas.
S'impreu
de sa limba sarda siat dae parte de sa mastra siat dae parte de sas
partetzipantes at cunfirmadu chi in sardu si podet faeddare de cale si
siat cosa, ca est una limba normale comente totu sas àteras.
Pro
dare un'agiudu a sas corsistas e a chie totu nde tenet praghere,
publicamus unu promemòria cun sos cussìgios ùtiles pro si trucare bene e
pro connòschere mègius sos produtos chi impreamus.
Su vademecum si podet iscarrigare incarchende inoghe.
Comintzant sos cursos de "self make-up"
Si dat a ischire a totu sas iscritas chi sos cursos pro imparare a si trucare bene (self make-up)
ant a comintzare giòbia 21 de martzu in sa biblioteca de Frussio e ant a
sighire finas a s'11 de abrile cun letziones personalizadas destinadas a
grupos de pagas persones pro borta.
Sas operadoras ULS ant a fàghere ischire a sas iscritas sa die destinada a ognuna de issas.
Si racumandat de bènnere a letzione armadas de ispigru, trousse cun belletos e cantu serbit a pulire sa cara dae su trucu.
Naschet su pane a chilòmetru zero
Narant chi giòvanos meda sunt torrende a traballare in campagna, e narant chi est creschende s'interessu pro sos produtos "a chilòmetru zero" e biològicos.
Paret
chi siat beru, si sa nova de custas dies est chi finas sa paneteria
Dettori at detzisu de atzetare s'isfida e de torrare a sa produtzione
pròpia: ammentende a su giaju, capostìpite de una famìllia de paneteris
connota in totu Itàlia, sos giòvanos de sa dinastia ant detzisu de
torrare a semenare trigu. Lu faghent in sos terrinos fèrtiles de
Pianalza, a pagu tretu dae sa paneteria in ue totu sa famìllia traballat
dae tantos annos, dae cando una paneteria minoredda nàschida in Iscanu
at istèrridu sos rampos e s'est fata manna in Tinnura.
Naschet duncas su "Dettori Food Experience" (DFE), trigu de Pianalza a chilòmetru zero.
Chi custa aventura potzat tènnere fortuna e chi àteras aziendas sigant s'esempru bonu. Laboratòriu de Nadale in biblioteca
S'ufìtziu de sa limba sarda paris cun sa biblioteca comunale, organizant unu laboratòriu de Nadale chi s'at a fàghere su 13 de su mese de nadale dae sas tres e mesa a sas chimbe e mesa (h 15,30 - 17,30) in sa biblioteca comunale. S'at a fàghere sa letura animada de su libru, in sardu e in italianu, "Bona Pasca de Nadale, Samira."
A pustis, su laboratòriu e sa merenda. Totu sos pitzinnos sunt invitados a partetzipare. Bos isetamus!
Prèmiu de poesia "S'isciareu" - VIII editzione
Sàbadu 12 de
Nadale de su 2015 a sas tres e mesa de sero (h 15,30) in su salone de su
Tzentru de Agregatzione s'at a fàghere sa premiatzione de su Prèmiu de
Poesia “S‘ISCIAREU” (VIII editzione). Est agradessida meda sa presèntzia de
totu sos partetzipantes a su cuncursu e de sos simpatizantes.
Poesias premiadas:
SETZIONE
SONETOS:
I: BACHISIO
GODDI – ORUNE
II:
GIANGAVINO VASCO – BORTIGALI
III:
GIOVANNI PIGA – NUORO
MENTZIONES:
GIOVANNI
PIRA – ORGOSOLO
VINCENZO
PISANU - ASSEMINI
ANTONIO
SANNIA - BORTIGALI
SALVATORE
FRAU – OLLOLAI
GIOVANNI
SOTGIU – BONNANNARO
PREMIU
ROTARY:
ELIANO CAU -
NEONELI
SETZIONE
OTAVAS:
I: IGNAZIO
PORCHEDDU - POSADA
II:
SALVATORE LADU - MAMOIADA
III: ex
aequo FRANCO PIGA – ROMANA e TERESA PIREDDA - ESCOLCA
MENTZIONES:
SALVATORE
CONTINI - FLUSSIO
SANDRO
BICCAI - SINDIA
Avisu bandu "Fototeca di Sardegna"
Su Comune de
Frussio faghet a ischire chi sa "Biblioteca di Sardegna" de
Cargeghe invitat a partetzipare a su Bandu "Fototeca di Sardegna",
s'archìviu fotogràficu chi dae su 2008 a oe at regortu prus de 180.000 fotografias
de 25.000 famìlias sardas residentes in 270 biddas de Sardigna. Sunt istados
publicados sos libros pro onni bidda e fatas sas mustras fotogràficas. Pro
partetzipare a su bandu tocat de èssere fèminas, de tènnere nessi 18 annos, de
èssere diplomadas, de ischire impreare bene su computer e de èssere residentes
in Frussio. Pro tantu s'Amministratzione Comunale e sa Biblioteca invitant sas
interessadas a dare s'adesione, intro de su 30 de Santandria de su 2015, in sa
Biblioteca Comunale de Frussio. Est un'ocasione importante pro salvare sa
memòria istòrica de sa bidda!
Dae s'ammentu de sos mortos a... Halloween
Su Comune de
Frussio paris cun sa Biblioteca Comunale invitant sos pitzinnos e sos giòvanos
a partetzipare a sas atividades chi s'ant a fàghere pro ammentare sas
festividades de sos santos e de sos mortos, intervistende sos antzianos chi ant
a ammentare su chi si faghiat in su tempus passadu in sa bidda in custas
ocasiones.
Apuntamentos
in sa biblioteca:
Martis 27 -
h 16,00: HALLOWEEN
IN BIBLIOTECA..."dolcetto o scherzetto?" o "pro sas ànimas de
sos mortos?".
- Sas orìgines de Halloween
- Laboratòriu creativu
Giòbia 29 -
h 16,00: Sas
traditziones nostras...sos antzianos ammentant...
Sàbadu 31 -
h 16,00 (In su
Tzentru Sotziale): Isetende Halloween...
Domìniga 01
de Santandria - h 18,00: "SA MESA DE SOS MORTOS" - Preparatzione de sa mesa aparitzada
pro sos mortos. Onni pitzinnu podet portare carchi cosa pro ammentare unu
parente mortu.
Prèmiu de poesia "S'isciareu"
S'Amministratzione
comunale de Frussio invitat a partetzipare a su Prèmiu de poesia "S'Isciareu"
imbàtidu ocannu a sa de oto editziones. Iscadèntzia pro presentare sas
domandas: 15/10/2015. Sas premiatziones s'ant a fàghere su 12 de nadale
2015 a sas tres e mesa de sero (h 15,30) in su salone de su tzentru de
agregatzione. Totu sos binchidores ant a èssere avisados cun tempus. Est
agradessida sa presèntzia de totu sos partetzipantes e simpatizantes. Pro
nd'ischire de prus o consultare su bandu si podet preguntare in su Comune de
Frussio o consultare su situ istitutzionale.
Poesias premiadas in sa de VII editziones de su
cuncursu de poesia "S'isciareu"
In sa de VII
editziones de su cuncursu de poesia "S'isciareu", chi s'est
fatu in Frussio su 13 de Nadale 2014, sunt istadas premiadas sas poesias chi
sighint:
1^ SETZIONE
“SONETOS”
I prèmiu: Chent'annos
de Giovanni Piga
II prèmiu: Asuba
de is didus tuus de Vincenzo Pisanu
III prèmiu: Nèula
de Gian Gavino Vasco
Prèmiu
Rotary Bosa: Cantu
tempus de Maria Sale
Mentziones
de onore ex aequo
Pòveros e
ricos de Gonario
Carta Brocca
Canto su
tempus de Tonino
Fancello
Ooh Poesia de Francesco Frau
Binnennas de Mimmiu Maiccu
Tempus
mannus de Teresa
Piredda Paoloni
Sa melodia
de s'amore de Giovanni
Pira
Est
mascru... est mascru de Santino
Marteddu
2^ SETZIONE
“OTADAS”
I prèmiu: Làssala
cussa ispugna de Ignazio Porcheddu
II prèmiu: Làgrimas
de su coro de D. Angelo Fadda
III prèmiu: Ancora
non cumprendo de Sandro Biccai
Mentziones
de onore ex aequo
Mundu
disumanu e vile de
Salvatore Contini
Cuntierra de Eliano Cau
Sònnios
atrividos de Angelo
Porcheddu
Amigàntzia
antiga de Giovanni
Sotgiu
E non
cherimus vìvere de Gigi
Angeli
Unu prèmiu
ispetziale a sos alunnos de sas classes III, IV e V de s'iscola elementare de
Frussio, e a sas mastras issoro, pro s'impignu mannu e pro s'amore chi tenent
pro sa limba sarda.
Gràtzias a
totu sos partetzipantes e a àteros annos cun salude!
Premiatzione cuncursu de poesia "S'isciareu"
S'Amministratzione
Comunale de Frussio invitat a partetzipare a sa premiatzione de su cuncursu de
poesia "S'Isciareu", imbàtidu a sa de VII editziones. S'at a
fàghere su 13 de nadale a sas tres e mesa de sero (h 15,30) in su tzentru de
agregatzione. A pustis b'at a èssere sa festa de "Su 'inu nou".
Prèmiu de poesia "S'Isciareu"
S'Amministratzione
comunale de Frussio invitat a partetzipare a sa de sete editziones de su Prèmiu
de poesia "S'Isciareu". S'iscadèntzia pro presentare sas
poesias est su 30 de cabudanni (30/09/2014) e sas premiatziones s'ant a fàghere
su 13 de nadale (13/12/2014) a sas tres e mesa de sero (h 15,30), in ocasione
de sa festa de "Su 'inu nou", in su tzentru de agregatzione.
Sos binchidores ant a èssere avisados cun tempus. Est agradessida sa presèntzia
de totu sos partetzipantes e simpatizantes.
Sa memòria istòrica in sas fotografias antigas
Sa
biblioteca, paris cun s'Amministratzione Comunale, cheret ammentare s'istòria
de Frussio cun sas fotografias antigas chi, chie nde tenet praghere, podet dare
pro custu iscopu. Sas fotografias ant a èssere iscannerizadas e sos originales
s'ant a torrare a sos proprietàrios. A pustis, sas fotografias s'ant a pònnere
in cornice e s'ant a espònnere in sa biblioteca in òrdine cronològicu. Una
manera bella pro ammentare su tempus passadu e pro bìdere sos cambiamentos chi
bi sunt istados in sos annos. Chie est interessadu podet cuntatare sa
bibliotecària a su nùmeru 345-3440263 o a sa e-mail biblio.flussio@tiscali.it.
Si podet fintzas cuntatare su Comune a su nùmeru 0785-34805 o a sa e-mail
com.fluss@tiscali.it. Sa bibliotecària s'at a interessare de ritirare sas
fotografias e de las torrare a sos proprietàrios.
Presèpiu vivente
Su Cumitadu
zonale Alghero-Bosa e sos Tzìrculos ANSPI de Frussio, Tresnuraghes, Macumere e
Bonorva, cun su contributu de sos Comunes de Frussio e de Tresnuraghes,
organizant su Presèpiu vivente chi s'at a fàghere in sas carreras de su tzentru
istòricu. In Tresnuraghes s'at a fàghere su 28/12/2013 a sas chimbe e mesa de
sero (h 17,30) e in Frussio su 04/01/2014 semper a sas chimbe e mesa de sero.
S'Arte in Frussio
S'Amministratzione
Comunale de Frussio tenet su praghere de invitare a partetzipare a sa
manifestatzione "L'Arte a Flussio - Cosire isciareu" chi s'at
a fàghere su 14 e su 15 de su mese de nadale 2013.
Su 14 a sas
tres e mesa (h 15,30) s'at a fàghere sa de 6 editziones de su Prèmiu de
Poesia "S'isciareu" e a pustis, a sas ses (h 18,00), sa Sagra
de su binu nou, editzione n. 13.
Ambas dies
b'at a àere fintzas espositziones de produtos locales.
Campionadu de fùbalu ('calcio')
Sas
Amministratziones comunales de Frussio, Sune e Tinnura, cun sa collaboratzione
de sas sotziedades isportivas Nikeyon Suni e sa Flussiese, invitant
a partetzipare a su campionadu de càlcio riservadu a pitzinnos (òmines e
fèminas) dae sos 5 a sos 16 annos. Sos mòdulos e sas informatziones si podent
preguntare in onni comune de residèntzia. Sas iscritziones iscadint su
16/09/2013 a mesudie (h 12,00).
Prèmiu de poesia "S'isciareu"
S'Amministratzione
comunale de Frussio invitat a partetzipare a su Prèmiu de Poesia
"S'isciareu" chi est imbàtidu a sa de ses editziones. S'iscadèntzia
pro presentare sas poesias est su 15 de cabudanni 2013 e sas premiatziones
s'ant a fàghere su 14 de nadale 2013 a sas tres e mesa de sero (h 15,30) in su
tzentru de agregatzione .
Pro
nd'ischire de prus si podet preguntare in su Comune de Frussio.
"Cosire s'isciareu"
Sa
biblioteca comunale de Frussio organizat sa de tres editziones de "Cosire
s'isciareu", unu cursu pro imparare a cosire s'isciareu e valorizare
s'arte de Frussio. Pro partetzipare non si pagat nudda e est abertu a
totus, mannos e piticos e fintzas a sos chi non sunt residentes in Frussio. Est
comintzadu chenàbura 19 de trìulas e s'at a fàghere in sa biblioteca comunale
dae sas 9 e mesa (h 9,30) a mesudie (h 12,00). Pro s'iscrìere e pro
informatziones tocat de preguntare in sa biblioteca comunale su martis e sa
gioja (h 15,15 - 19,15) e su mèrcuris (h 8,30 - 12,30) o telefonare a su n°
345-3440263.
Animatzione de istiu pro sos pitzinnos
Su Comune de
Frussio faghet a ischire chi, pro s'istiu 2013, organizat atividades pro sos
pitzinnos. Su Tzentru de Agregatzione Sotziale, paris cun sa Cooperativa
Sotziale "Sirone" organizant sa "Animazione Estiva"
dae su 24 de làmpadas onni lunis e mèrcuris dae sas deghe a mesudie (h
10,00-12,00). In prus, in sos meses de trìulas e austu, si faghet unu cursu pro
imparare a nadare (in Abba Mala Village de Bosa Marina) su martis, sa
gioja e su sàbadu.
Cursa de solidariedade in Pianalza
"Sardegna
Solidale" de Bosa,
paris cun sos assòtzios de volontariadu de Pianalza (Sune, Tinnura e Frussio)
organizat pro domìniga 23 de Làmpadas 2013 sa II editzione de sa "Cursa
de sa solidariedade", chi tenet su fine de valorizare su
volontariadu.
Si movet a
sas 9,00 dae Pratza Bua in Sune, si faghet pasu in Tinnura e s'imbatet a
Frussio in ue, in localidade "Sa Roda", b'at a èssere sa
premiatzione a mesudie e mesu (h 12,30) e a sa una (h 13,00) s'at a
mandigare totu paris.
Progetu "Intrecci"
Sos Comunes
de Bosa, Sune, Tinnura e Frussio paris cun sa Fondazione con il Sud ant
aparitzadu su progetu “Intrecci”, indiritzadu a totu sos tzitadinos de
su territòriu.
Su progetu
est articuladu in 3 setores:
1. Isportellu informativu: pensadu pro chie cheret
connòschere mègius sos servìtzios dados dae sos Comunes, màssimu pro sos
disàbiles e sas famìllias issoro. S’isportellu informat subra de sas leges de
assistèntzia e sos servìtzios ativados (CSM, consultòriu, agiudu a chie tenet
maladias graves o problemas de dipendèntzias) e agiudat a cumpilare sas
pràticas ASL.
2. Cursu de vela: pro sos giòvanos, pro lis imparare
a amministrare una barca. Su cursu est de 50 oras, si faghet in sa marina de
Bosa e pro lu fàghere tocat a s'iscrìere.
3. Laboratòrios traditzionales: pro chie totu est interessadu a
imparare a coghinare sos màndigos antigos, a cosire, a laurare ('lavorare
il Filet') e a fàghere cestinos de isciareu ('asfodelo'). Tocat a
s'iscrìere.
Pro tènnere
totu custos servìtzios NON SI PAGAT NUDDA.
Chie si
cheret informare podet telefonare a a su nùmeru 329-4144586 (sig.ra Piera
Lotti) o mandare una e-mail a s’indiritzu progetto.intrecci@gmail.com.
Sa psicòloga
chi coordinat su progetu est sa d.ssa Manuela Schintu.
ORÀRIOS DE
S'ISPORTELLU INFORMATIVU:
LOGU
|
DIE
|
ORÀRIU
|
Bosa
(Sasol Point)
|
Martis
Chenàbura
|
10,00-12,00
|
Sune (domo
comunale)
|
Mèrcuris
|
10,00-12,00
|
Tinnura
(domo comunale)
|
Lunis
|
15,30-17,30
|
Frussio
(domo comunale)
|
Gioja
|
10,00-12,00
|
Isfilada de carrasegare
S'Amministratzione
Comunale de Frussio organizat s'isfilada de carrasegare, lunis 11 de
freàrgiu 2013. Sas màscaras si devent agatare, pro sa partèntzia de
s'isfilada, afaca a su Comune a sas tres e mesa (h 15,30). A pustis de
s'isfilada in intro de sa bidda, sa festa sighit in su Tzentru Sotziale cun
ballos, mùsica e àtera cosa meda.
Su 16 de
freàrgiu 2013, a sas tres e mesa (h 15,30) b'at a èssere sa "Pentolàccia"
in su salone parrochiale, organizada dae sas catechistas.
Avisu
S'avisant
totu sos proprietàrios de canes chi, in base a s'ordinàntzia n° 5 de su
26/09/2012, est òbrigu a iscrìere sos animales a s'anàgrafe canina. Sas
domandas de iscritzione pro inserire sos microchip si podent presentare in sos
ufìtzios comunales onni die dae sas deghe e mesa (h 10,30) a mesudie e mesu (h
12,30).
Avisu a sos allevadores
Si faghet a
ischire a totu sos allevadores de bacas, berbeghes (albeghes), crabas,
porcos e caddos chi gioja 3 de ghennàrgiu (bennalzu) de su 2013 a sas
10,00 in su tzentru de agregatzione sotziale s'at a fàghere una riunione
cun sos veterinàrios ASL pro informare de sos registros de sas meighinas pro
sos animales. Est importante meda, duncas est pretzisu de non mancare.
Premiatzione cuncursu de poesia e sagra de su binu nou
S'Amministratzione
Comunale de Frussio invitat a sa Premiatzione de su V Cuncursu de Poesia in
limba sarda "S'Isciareu" e a sa de XII editziones de sa "Sagra
de su binu nou" (annada 2012) chi s'ant a fàghere sàbadu 15 de nadale
a sas tres e mesa de sero (h 15,30) in su Tzentru de Agregatzione
Sotziale.
Poesias premiadas in sa V editzione de su cuncursu de
poesia "S'isciareu"
1^ SETZIONE “SONETOS”
I prèmiu: Torra!
de Ignazio Porcheddu - Posada
II prèmiu: Tempos
rànchidos de Gian Gavino Vasco – Bortigali
III prèmiu: Abbaidende
dae altu de Angelo Porcheddu – Banari
Prèmiu
Rotary: Su tempus… de Giovanni Piga – Nuoro
Mentziones
de onore
Amada
zoventura! de Santino
Marteddu – Siniscola
Animas
bellas de Franco
Piga – Loiri P. San Paolo
Làgrimas
druches de Maria
Luisa Pisanu – Bolotana
Pregadoria de Nino Fadda - Sassari
Su nidu
abbandonadu de Giovanni
Pira – Orgosolo
A sos
isposos novellos de Gigi
Sancis – Tissi
2^ SETZIONE “OTADAS”
I prèmiu: Alcoa,
cali cantidu de Anna Cristina Serra – Cagliari
II prèmiu: A
fradicheddu meu de Leonardo Angelo Berria – Nuoro
III prèmiu: Ajò
fizu! de Ignazio Porcheddu – Posada
Mentziones
de onore
Annos
Chimbanta de Giovanni
Boccoli – Posada
Che trastes
betzos de Albino
Contu – Posada
Sa domo ‘e
mannedda de Nicolinu
Pianu – Anela
Su sonnu de Sandro Biccai – Sindia
A su contr’a
Sardos de Giovanni
Soggiu – Bonnannaro
Gana ‘e
t’idere de Gavino
Stara – Sassari
Sas
premiatziones s'ant a fàghere su 15 de nadale de su 2012 a sas tres e mesa (h
15,30) in su Tzentru Sotziale de Frussio.
Promotzione "Isciareu"
S'Amministratzione
Comunale de Frussio, in ocasione de su V prèmiu de poesia in limba sarda chi
s'at a fàghere su 15 de nadale de su 2012, tenet praghere de dare sos cestinos
de isciareu comente prèmiu a sos binchidores de su cuncursu. Invitat, duncas,
totu sos produtores chi sunt interessados a dare s'adesione in Comune, pro sos
traballos chi ant a fàghere, intro de su 24 de santandria de su 2012.
Alìcuotas IMU
Su Comune de
Frussio faghet a ischire chi at minimadu sas alicuotas IMU pro sa primma domo,
dae su 4%o a su 3,5%o. Sunt de cunsiderare primmas domos: sas domos de
propiedade de sos residentes in èstero (iscritos AIRE); sas domos de propiedade
de sos chi sunt in sos ricòveros o in sos ospidales ("lungodegenti"),
bastat chi non siant afitadas.
"S'Arte in Frussio - Cosire Isciareu"
Su Sìndigu e
s'Amministratzione Comunale de Frussio invitant a partetzipare a sa
manifestatzione "S'Arte in Frussio - Cosire Isciareu"
chi s'at a fàghere in Frussio su 29 e 30 de cabudanni 2012.
Programma
29 de
cabudanni:
A sas 9,00:
Abertura de sas espositziones;
a sas 10 e
mesa: Presentatzione de sos traballos de su Liceo Artìsticu "F.
Figari" de Tàtari;
a sa una (h
13,00): Sagra de "Sa supa faltza";
a sas 6,00
de sero: Proietzione de filmados e fotografias de sa Cineteca Sarda;
a sas 8,00
de sero: Sagra de "Sa supa faltza";
a sas 9,00:
Ispetàculu musicale.
30 de
cabudanni:
A sas
9,00 abertura de sas espositziones;
a mesudie:
Proietzione de filmados e fotografias de sa Cineteca Sarda;
a sa una (h
13,00): Sagra de "Sa supa faltza".
A su sero
animatzione musicale cun s'organitu e giogos pro sos pitzinnos.
Iscola de calcio pro sos pitzinnos
Sas
Amministratziones comunales de Frussio, Magumadas, Sune e Tinnura cherent
fàghere un'iscola de calcio pro sos pitzinnos (òmines e fèminas) chi tenent dae
sos 5 a sos 13 annos. Su cursu costat 10 èuros su mese e 10 èuros de
iscritzione.
Sos mòdulos
si podent agatare in ogni Comune de residèntzia e sas iscritziones cherent
fatas intro de mesudie de su 25/09/2012.
Festa de Santu Poltolu e de Santu Antine
Programma de
sa festa:
- 16 de
austu: a sas 6 de sero prutissione de Santu Antine e cumintzu de sa Novena;
- 24 de
austu: a sas 5 de sero Missa in sa crèsia de Santu Poltolu, prutissione e a
pustis s'àrdia. A sas 10 de note esibitzione de su grupu musicale "Rose
Rosse" in su pratzale de s'iscola elementare;
- 25 de
austu: a sas 11 Missa solenne in sa crèsia de Santu Antine e distributzione
de su pane beneitu. A sa una b'at a àere pasta e "albeghe a buddu"
pro totus in Sa Roda. A sas 5 giogos pro pitzinnos e mannos in su
pratzale de sa crèsia de Santu Antine. A sas 10 in sos locales de Sa Roda
ispetàculu cun Roberto Fadda chi sonat s'organitu.
- 26 de
austu a sas 6 de sero: prutissione de Santu Antine, beneditzione de sos
cadderis e àrdia. A sas 10 ispetàculu de cabaret cun Marco Piccu e su grupu
"Kàntigos" in su piatzale de s'iscola elementare.
Prèmiu de poesia "S'isciareu"
Su Comune de
Frussio invitat a partetzipare a su Prèmiu de Poesia "S'Isciareu" (V^
editzione). S'iscadèntzia pro presentare sas poesias est su 30 de cabudanni e
sas premiatziones s'ant a fàghere in su mese de nadale 2012. Pro cale si siat
pregunta, cuntatare su Comune de Frussio.
Cosint sas manos lestras e fadadas
su chi natura donat cun amore.
Tribagliende cun arte e cun suore
bèltigas mudant in obras famadas.
Est torra operativu in Frussio s'Ufìtziu Limba Sarda
Est torra
operativu in Frussio s'Ufìtziu de sa Limba Sarda.
Ocannu su
servìtziu est a livellu sovra-comunale (in rete cun totu sos Comunes de
s'Unione de Comunes de Planàrgia e Montiferru otzidentale) e Iscanu est su
Comune capofila.
Pro cale si
siat informatzione s'Ufìtziu est abertu ogni chenàbura cun oràriu 10,00-13,00.
Nessun commento:
Posta un commento
Nota. Solo i membri di questo blog possono postare un commento.