Su bilinguismu podet sarvare sas autonomias iscolàsticas
Aplichende sa lege pro su bilinguismu si diant pòdere sarvare sas autonomias iscolàsticas.
Lu narat sa FLC (Federazione Lavoratori della Conoscenza)
CGIL de Tàtari chi ispiegat comente, aplichende sa lege pro sas
minorias linguìsticas, si fiant pòdidos evitare sos "ridimensionamentos"
de sas iscolas, ca in logos de bilinguismu pro mantènnere sa
dirigèntzia bastant 400 alunnos (e non 600).
Si diant pòdere tènnere classes de 10 pitzinnos e 6.000 postos de traballu in prus intre mastros e àteru personale.
Sa CGIL de Tàtari tenet in intentu de fàghere ricursu, e sos sìndigos de sos comunes interessados cherent deliberare in favore.
Sas biddas chi ant tentu ridimensionamentu sunt 12: Òsile; Sènnaru; Ùsini; s'iscola n° 1 de Aristanis e de Bilartzi; su Businco de Iersu; sos istitutos cumprensivos de Tertenia, Biddamanna Strisàili, Mandas e Narcau; su Lussu de Sant'Antiogu e su Farci de Seui.
Est unu problema chi in antis o a pustis podet tocare a totu sas biddas sardas e pro custa resone su sìndigu de Uri Lucia Cirroni invitat totu sos sìndigos a si aunire pro difèndere sas iscolas issoro: "Un'ìsula manna e sena gente comente sa nostra non podet sighire sos matessi paràmetros de àteros logos. Sa minoria linguìstica est s'ùnica possibilidade chi tenimus".
Sa CGIL narat chi in àteras regiones ant tentu bonos resurtados e est pronta a dare patrotzìniu econòmicu a mastros e istudiantes chi cherent fàghere ricursu. Ca, in prus de sa dificultade de portare sos pitzinnos minores dae una bidda a s'àtera, b'est su problema chi a gestire "mostros" iscolàsticos de 1500 iscritos est prus dificultosu chi no a sighire iscolas piticas e a mesura de istudiante.
Pro nd'ischire de prus leghe s'artìculu de La Nuova.
Est unu problema chi in antis o a pustis podet tocare a totu sas biddas sardas e pro custa resone su sìndigu de Uri Lucia Cirroni invitat totu sos sìndigos a si aunire pro difèndere sas iscolas issoro: "Un'ìsula manna e sena gente comente sa nostra non podet sighire sos matessi paràmetros de àteros logos. Sa minoria linguìstica est s'ùnica possibilidade chi tenimus".
Sa CGIL narat chi in àteras regiones ant tentu bonos resurtados e est pronta a dare patrotzìniu econòmicu a mastros e istudiantes chi cherent fàghere ricursu. Ca, in prus de sa dificultade de portare sos pitzinnos minores dae una bidda a s'àtera, b'est su problema chi a gestire "mostros" iscolàsticos de 1500 iscritos est prus dificultosu chi no a sighire iscolas piticas e a mesura de istudiante.
Pro nd'ischire de prus leghe s'artìculu de La Nuova.
Sas novas betzas chi pertocant s'iscola las podides agatare in su blog Ajò a iscola (cullegamentu a manu destra) paris su materiale didàticu in sardu fatu in custos annos dae sa Regione e dae sos operadores de Ufìtziu Limba Sarda.
Nessun commento:
Posta un commento
Nota. Solo i membri di questo blog possono postare un commento.