Custu blog naschet pro faeddare de sos isportellos linguìsticos territoriales, e in manera particulare pro sos de s'Unione de Comunes "Planàrgia - Montiferru otzidentale".
ITE EST un'isportellu linguìsticu territoriale (connotu finas comente Ufìtziu de sa Limba Sarda)?
ITE EST un'isportellu linguìsticu territoriale (connotu finas comente Ufìtziu de sa Limba Sarda)?
Custu servìtziu naschet pro more de sa lege natzionale 482/1999 e de su D.P.R. 345 de su 2 de maju de su 2001, e sa funtzione chi tenet est de assegurare in totue sa presèntzia de operadores cumpetentes chi potzant fàghere promotzione de sa limba sarda dende·li visibilidade in intro de sas amministratziones pùblicas e de sos logos in ue sunt presentes.
Custos ufìtzios los ant ativados in belle totus sas biddas de Sardigna.
In Planàrgia e Montiferru otzidentale sos Comunes ch'ant aderidu a custu servìtziu pro s'annualidade 2008 sunt ùndighi: Iscanu (capofila), Bosa, Flussio, Magumadas, Mòdolo, Montresta, Sàgama, Sinnarìolo, Sune, Tinnura, Tresnuraghes.
