"Didatichende" - Materiales didàticos de iscarrigare

Pro chie totu est interessadu a sa didàtica de sa limba sarda, sunt disponìbiles in lìnia sos materiales preparados dae sa d.ssa Manuela Mereu pro su cursu de formatzione "Didatichende".

Custu cursu, fatu in Iscanu s'11 de santandria de su 2012, at afrontadu sos temas de sa didàtica aunende una parte teòrica a una parte pràtica de cunfrontu e isperimentatzione. Sa d.ssa Mereu, esperta de didàtica de sas limbas, at mustradu ischedas e materiales chi podent agiudare a chie cheret incomintzare a isperimentare s'insegnamentu de sa limba sarda in sas iscolas de ogni òrdine e gradu.

Sos materiales si podent iscarrigare dae sos cullegamentos chi sighint:

• Fainas e mèdios de didàtica
• Ischedas didàticas
• Sa didàtica de sas limbas
• Dialetu e limba
• S'insegnante de limbas