Dae su 15 de ghennàrgiu si podent presentare sos progetos de tirotzìniu formativu e de orientamentu (TFO) pro su 2013. Est prevèdidu unu voucher (est a nàrrere unu bonu pro su rimborsu de sas ispesas).
Sos disocupados (o inocupados) chi cherent presentare domanda devent tènnere prus de 18 annos e devent vìvere in Sardigna.
Sas aziendas chi los cherent ospitare devent tènnere nessi una sede in Sardigna, e nessi unu dipendente a tempus indeterminadu.
Su progetu, firmadu dae chie faghet su tirotzìniu e dae su rapresentante legale de s'azienda, nche cheret mandadu on-line a su portale www.sardegnatirocini.it (a pustis chi ambos si sunt registrados in su situ).
Pro tènnere prus informatziones si podet telefonare a su nùmeru 0785-374772 o iscrìere a s'indiritzu centroservizibosa@tiscali.it.
Dae su mese de ghennàrgiu sunt abertas sas sedes itinerantes in:
SUNE (Tzentru de Agregatzione): ogni 1° e 3° mèrcuris de su mese dae sas 4 e mesa (h 16,30) a sas 6 (h 18,00) - Tel. 0785-34653
MONTRESTA (Tzentru de Agregatzione): ogni 2° e 4° mèrcuris de su mese 4 e mesa (h 16,30) a sas 6 (h 18,00)
TRESNURAGHES (Biblioteca): ogni 1° e 3° chenàbura de su mese dae sas 10 de mangianu a sa una (h 13,00) - Tel. 0785-35408
Iscàrriga su bandu cumpretu
Iscàrriga su bandu cumpretu
Nessun commento:
Posta un commento
Nota. Solo i membri di questo blog possono postare un commento.