Bidu chi su 28 de abrile est sa "Die de sa Sardigna" e in totue sunt aprontende cunferèntzias e initziativas pro la festare, publicamus inoghe una riflessione (fata a cantzone) subra de custu argumentu.
Sa cantzone, intitulada "FESTA" e iscrita in bitzichesu dae Jorgi Rusta, faghet un'anàlisi ispietada de sa situatzione de sa Sardigna a dies de oe.
FESTA
Oco die chi ses de afestare
Petzi bi cheret una festa manna
De unu pòpulu chi s'est postu a banna
Nara Sardigna ite as de ti bantare
Osserva, ma a uve cheres leare
Arressa in su pennente, prus no annas
E si icas passu est fàtzile chi irbannas
e prus non bales a ti n'abitzare
osserva a fitzos tuos emigratos
patian inoche chene travagliare.
Abaita a quirra, e poneti a ballare
Non bides sos pastores arrennegatos?
Sos montes de tzimentu carragliatos
E lacrimas de mama a los abare.
Che a cuss'aprile est ora de si pesare
Ca peus de tanno semus cumbinatos.
Nessun commento:
Posta un commento
Nota. Solo i membri di questo blog possono postare un commento.