Sa comunicatzione-pantasma de s'ARST

S'ARST (Azienda Regionale Sarda Trasporti) at comunicadu a sos Comunes de sa Provìntzia de Aristanis chi dae su 21 de su mese de santugaine sunt operativas sas lìnias noas de sos postales.

Sos Sìndigos sunt invitados a nde dare nova a sa gente, e chie cheret ischire sos oràrios si devet cullegare a sos link inditados dae s'Azienda.

Nois nos semus cullegados, semper fidutziosos, e però non solu de b'àere oràrios ma cussas pàginas non s'agatant in logu perunu.

Si sa gente tenet bisòngiu de leare su postale, duncas, chi si armet de passèntzia e chi si setzat in sa firmada dae mangianu chitzo. In antis o a pustis su postale giai at a passare.

Leghe sa comunicatzione de s'ARST