Sa pischedda de Nadale - Regala produtos de sa terra tua

No ischis ite regalare pro Nadale? Non tenes tempus de chircare regalos originales? Non ti cheres iscrau de su consumismu? Cheres fàghere unu regalu cun produtos de sa terra tua?

Pro sos chi non si cuntentant de sas sòlitas cosas presentamus sa promotzione de Nadale fata dae ProgReS ("Progetu Repùblica de Sardigna") e Sardegna Possibile, chi proponent una pischedda de Nadale fata cun produtos sardos de calidade. Una manera originale e sana pro si finantziare sa campagna eletorale.

Sa pischedda, chi costat 30,00 èuros, cuntenet:

- un'ampulla de binu de 37,5 cl. ("S'annada" de Sedilesu);

- un'iscàtulu de lentìgia de 500 gr. (azienda "F.lli Piga");

- casu "Coro de Orgòsolo" (de "Fattorie Gennargentu");

- pane carasau 500 gr. (Paneteria "La Spiga" - Nùgoro);

- un'iscàtulu de sìmula de 1 chilu (Mòlinu Màsala - Ulìana);

- unu botu de mele 'millefiori' de 250 gr. (azienda Arbarèe - Simaghis);

- un'ampulla de licore de figu morisca de 20 cl. (azienda Massajos - Nùgoro).

Chie la cheret comporare o cheret carchi informatzione in prus podet iscrìere a progres.nugoro@gmail.com.