Die Europea de sas Limbas

Oe, 26 de cabudanni, est sa Die Europea de sas Limbas. Su Cussìgiu de Europa aiat decraradu su 2001 "Annu Europeu de sas Limbas". Dae assora onni annu, su 26 de cabudanni, si festat in totu s'Europa sa Die de sas Limbas. S'iscopu est cussu de incoragiare sa gente a imparare limbas noas e a megiorare sa connoschèntzia de sas limbas chi impreat. Su connòschere prus de una limba cheret nàrrere prus possibilidades de traballu, de istùdiu, de bìvere bene in cale si siat logu de su mundu. In totue, in Europa, in custa die si organizant manifestatziones pro mannos e minores, cunferèntzias, programmas in sa ràdiu e in sa televisione. In Sardigna puru carchi comune o sòtziu culturale at organizadu carchi

cosa. Ma, a dolu mannu, dae sa Regione non s'at intesu mùida peruna pro custa die. De seguru tenent de pensare a cosas prus pretzisas chi non custa!