Su depòsitu ùnicu de iscòrias radioativas - Cunvegnu de informatzione in Iscanu

Immàgine iscarrigada dae Internet (http://sadefenza.blogspot.it)

Giòbia 21 de maju a sas 9 de sero (h 21,00) in su teatru "Nonnu Mannu" s'at a fàghere unu cunvegnu de informatzione pro chie cheret connòschere mègius sa chistione relativa a su depòsitu ùnicu de iscòrias radioativas.

Essende chi sa Sardigna est mentovada comente unu de sos logos prus adatos a nch'interrare 75 mìgia metros cubos de iscòrias, in custu atopu amus a resonare subra de s'argumentu, de sos perìgulos chi nde naschent e de comente chircare de bi parare fronte.
In su cunvegnu ant a faeddare duos membros de su Coordinamentu Comitados NONUCLE-NOSCORIE: Nicola Culeddu (chircadore de su CNR ispetzializadu in seguresa alimentare e chìmica ambientale) e Bustianu Cumpostu (ingegneri e gherradore indipendentista).

Seis totus invitados a partetzipare e a passare boghe.
Iscàrriga sa locandina
Iscàrriga sas cartolinas de invitu