"NoNucle" - Una die de unidade de sos sardos contra a su perìgulu de sas iscòrias nucleares

Domìniga 7 de làmpadas in totu s'ìsula s'at a fàghere sa die "NO NUCLE" pro sensibilizare sos sardos contra a su perìgulu de retzire sas iscòrias radioativas de totu Itàlia e de àteros logos.

Sa manifestatzione, organizada dae su Coordinamentu Comitados "NoNucle-NoScorie", si faghet in totu sas provìntzias istòricas (Aristanis, Casteddu, Nùgoro, Tàtari) e finas in Terranoa e in àteros comunes chi ant dadu disponibilidade. Bi partètzipat in manera ativa finas Bosa.

Ite si faghet:

Sincronizare su timer de sos telefoneddos a sas 11 de mangianu. Cando sonat, est a si betare totus a terra pro 3 minutos e a pustis, pesendesi·nde, a si tocare sa manu pari-pari o a s'aprensare comente signale de unidade.
In cussa die totu sos Comunes sardos ant a espònnere sa bandera contra a sas iscòrias e sas campanas ant a tocare paris cun sas sirenas de naves e ambulàntzias.

Elencu de sas pratzas a in ue acudire domìniga a sas 9,30:
Bosa: pratza Monumentu h 10,30 (cullega·ti a sa pàgina Facebook)
Aristanis: pratza Roma
Casteddu: carrera Roma a suta de sos portigales de sa Regione
Nùgoro: giardinos de pratza Vittorio Emanuele
Tàtari: pratza Itàlia
Terranoa: molo Brin.

Sa die in antis, su 6 de làmpadas, sos pitzinnos de iscola ant a dare unu signale de protesta faghende sonare sos telefoneddos a sas 11 de mangianu in oràriu de letzione. Est una manera pro fàghere intèndere sa boghe de sa generatzione chi at a ereditare su mundu a pustis nostru.

Leghe s'artìculu de "Il Sole 24 Ore"

Leghe s'artìculu de "Unione sarda"

Leghe s'artìculu de "Cagliaripad"

Ascurta su servìtziu de Videolina
Pro s'iscrìere a su Comitadu tocat a mandare una mail a s'indiritzu nonuclenoscorie@gmail.com.