Sighint sas atividades de informatzione aparitzadas dae sos Comitados NoNucle-NoScorie. Domìniga 26 de trìulas in sos portos de Casteddu, Figari ('Golfo Aranci'), Portu Turre, Terranoa e Thiniscole ('Sinoscola') s'at a fàghere un'àteru sit-int pro cramare turistas e emigrados a difèndere sa terra sarda dae su perìgulu de sas iscòrias radioativas.
Intantu eris est essida sa nova chi sa mapa de sas àreas adatas a ospitare su depòsitu est pronta: s'Ispra (Istitutu superiore pro sa protetzione e sa ricerca ambientale) l'at dada a sos ministeros de s'Ambiente e de s'Isvilupu econòmicu.
Comente si podet immaginare, sa mapa est top secret. Cherende pensare a malu, est probàbile chi li diant difusione in tempos de allerta mìnima (a tipu sas dies de Mesaustu). Est pro cussu chi tocat a informare sa gente e a sighire a bardiare.
Abbàida su vìdeu "Su pòpulu sardu contra a su nucleare" de Lisa Corimbi.
Iscàrriga su volantinu (parte de foras / parte de intro).
Nessun commento:
Posta un commento
Nota. Solo i membri di questo blog possono postare un commento.