Artìculos e fotografias de su cunvegnu de Sinnarìolo

Fotografia: Màriu A. Sanna

Publicamus artìculos, vìdeos e fotografias pro documentare su cunvegnu fatu sàbadu 21 de santandria in Sinnarìolo.

Su cunvegnu, aparitzadu dae sos assòtzios Nino Carrus e Borghi Autentici d'Italia, teniat s'iscopu de faeddare de dificultades e prospetivas de sas biddas cun prus pagu de 5000 abitantes. Sìndigos e amministradores si sunt interrogados movende dae datos chi narant chi intro de s'annu 2050 b'at a àere 166 Comunes sardos in arriscos de isparire, e 33 forsis ant a mòrrere intro de deghe annos.

Sos sìndigos ant presentadu sos problemas cullegados a denatalidade, disocupatzione e emigratzione in biddas abitadas pro su prus dae gente betza.

Concruende sos traballos, s'assessore de sos Entes locales Cristiano Erriu at naradu chi sa Regione est disponìbile a ascurtare sas propostas de sos sìndigos, bastat chi andent a cara a sa semplificatzione de sos servìtzios.

Pro chie est interessadu a s'informare mègius, ponimus su servìtziu de su TG regionale, unos cantos artìculos online e sos interventos de s'assessore Erriu e de sos sìndigos de Pianalza-Montiferru registrados dae Màriu A. Sanna.
Ascurta s'interventu de s'assessore Erriu. Ascurta sos interventos de Gianbattista Ledda (sìndigu de Sinnarìolo), de Omar Hassan (sìndigu de Mòdolo) e de Antonio Zedda (sìndigu de Montresta).

Abbàida su servìtziu de Rai3
Leghe s'artìculu de L'Unione Sarda

Leghe s'artìculu de La Nuova Sardegna
Leghe s'artìculu de Borghi Autentici d'Italia cun su testu de s'interventu de Fausto Fulghesu (BAI Sardigna)
Leghe s'artìculu de Bentos

Leghe s'artìculu de s'assòtziu Nino Carrus 

Abbàida su servìtziu fotogràficu fatu dae Màriu A. Sanna