Bosa - Cursos de alfabetizatzione in sardu annu 2018

S'Ufìtziu Limba Sarda est ativende in Bosa sas atividades de formatzione pro su 2018.

Bi podent partetzipare dipendentes comunales, amministradores e uditores esternos dae totu sos Comunes chi ant aderidu a su progetu.

Sas letziones ant a comintzare mèrcuris 14/11/2018  (oràriu 15,30-17,30 in sa biblioteca comunale).

Chie cheret partetzipare devet compilare su mòdulu de iscritzione chi agatat in Comune (Ufìtziu Segreteria) e lu cunsignare  intro de lunis 5 de santandria.

Sas primas 3 letziones sunt pensadas pro chie no at mai partetzipadu a perunu cursu, si b'ant a ispiegare  sas règulas de base pro iscrìere in sardu (cun laboratòrios pràticos). Dae sa de 4 s'at a aprofundare s'argumentu cun esertzìtzios prus detalliados pro chie tenet giai carchi connoschèntzia.
Pro partetzipare non si pagat nudda.