Su 15 e 16 de nadale in Sabarussa (Solarussa) s'at a fàghere sa de tres editziones de "Sa Corte de is Artis", una manifestatzione chi naschet pro fàghere connòschere sas artes musicales e poèticas orales de Sardigna.
S'eventu naschet pro more de s'assòtziu culturale CAMPOS cun s'agiudu de su Comune de Sabarussa e de sa Regione Sardigna e tenet s'idea de amparare sos benes culturales materiales e immateriales de Sardigna.
Si comintzat sàbadu 15 de nadale a sas 10 de mangianu cun laboratòrios de limba sarda, mùsica e poesia 'a bolu'. Ant a sighire laboratòrios de càntigu a chiterra e launeddas.
A sas 3 (h 15,00) s'at a fàghere un'atopu intre amministradores e assòtzios culturales e a sas 5 (h 17,00) un'ispetàculu a tema.
Domìniga 16 de nadale a sas 10 s'at a fàghere sa missa in sardu acumpangiada dae launeddas e cuncordos e a pustis sa prutissione cun rosàrios e cunfrarias.
A sas 3 (h 15,00) projetzione de pellìculas dedicados a sas artes musicales traditzionales e a sas 5 (h 17,00) un'ispetàculu a tema "a sa moda de bidda", cun artistas chi presentant sas artes musicales de bidda issoro.
Pro nd'ischire de prus podides cuntatare sa segreteria organizativa (segreteria@cordinamentu-campos.org) o s'ufìtziu imprenta a sos nùmeros 328-6519140 (Ivo Murgia) o 393-2409546 (Tore Cubeddu).
Nessun commento:
Posta un commento
Nota. Solo i membri di questo blog possono postare un commento.