Dae eris 8 de martzu 2021 sunt disponìbiles in sa webtv on demand de Ejatv totu sas puntadas de E sardu siat!, sa trasmissione de Micheli Ladu chi tratat temas de limba sarda in pìndulas de 5 minutos.
Sas puntadas sunt 12 e tratant argumentos meda: sos sonos de sa limba, sa chirca sòtziu-linguìstica, sos topònimos e àtera cosa meda, semper in manera discorsiva e fantasiosa. Sa regia est de Mauro Pes.
S'idea fundante est chi, si sos mass mèdia nch'ant fatu intrare s'italianu a onni domo, sa matessi cosa podent fàghere cun su sardu.
Chie cheret visionare totu sas puntadas si podet cullegare a su link https://www.ejatv.com/produtzione/e-sardu-siat/.
Si cherides rìere apenas chi nch'intrades, ascurtade a Micheli Ladu faeddende de sas interietziones in sa puntada nùmeru 12: bos at a ispiegare comente sos sardos sunt bonos a comunicare intre issos finas impreende una vocale ebbia ("Oh!", "Ih!", etc.).
Ispassiade·bos!
(GF.P.)
Nessun commento:
Posta un commento
Nota. Solo i membri di questo blog possono postare un commento.