Curas veterinàrias gratùitas pro sos dannos de su fogu

Fotografia iscarrigada dae sa Rete

In custas dies de suferèntzia, gente meda est dende disponibilidade pro agiuare sas comunidades chi ant tentu dannu dae su fogu.

Pro curare sos animales brusiados (de allevamentu e arestes) veterinàrios meda, dae totu sa Sardigna, si sunt postos a disponimentu gratuitamente.

In Santu Lussurzu b'at un'ambulatòriu in s'asilo betzu (pratza Suor Modesta) e sos veterinàrios sunt disponìbile finas a visitare sas aziendas, si b'at animales suferentes.

Pro tènnere su servìtziu, chi est a disponimentu de totu sas biddas chi ant tentu dannu, si podet telefonare a su nùmeru 342-75.23.009.

Sunt disponìbiles a curare su bestiàmene finas dot. Pietro Fois (340-68.60.261) e d.ssa Simona Cao (333-41.96.449) de su Circolo Veterinario Sardo e in Iscanu finas sa d.ssa Giusy Manca.

Si calicunu tenet bisòngiu de nche leare su bestiàmene a sa clìnica veterinària podet telefonare a Beatrice Rezzaghi (392-06.11.449) de sa LAV (Lega Anti Vivisezione).

(GF.P.)