Sa "Carta de Montarbu" - Sos assòtzios de su sardu si ponent paris

In sas dies passadas unos cantos assòtzios impignados in s'amparu de sa limba sarda ant sigladu sa "Carta de Montarbu", unu documentu importante chi ponet in evidèntzia sa netzessidade de traballare aunidos pro salvare sa limba sarda.

Sos puntos printzipales de custa Carta sunt sete:

1) Fàghere unu movimentu linguìsticu inclusivu e plurale chi traballet pro su sardu in sa sotziedade;

2) Istudiare su sardu;

3) Faeddare in sardu;

4) Fàghere "militàntzia linguìstica" cun atividades e fainas bene fatas;

5) Impreare sa limba sarda cun sa gioventude;

6) Impreare sa limba sarda in sa vida de onni die;

7) Onni bator meses aprontare "Sa die de su Movimentu linguìsticu de su sardu", in ue fàghere su resumu de sas atividades fatas.

Intre sos primos chi ant aderidu bi sunt Babel Film Festival (unu de sos assòtzios prus importantes a livellu europeu in custu campu), CAMPOS (Coordinamentu Artes Musicales e Poèticas Orales de Sardigna) e s'Acadèmia de su Sardu.

Chie est interessadu a aderire (siat in assòtziu siat a sa sola) podet iscrìere a infolinguabia@gmail.com o telefonare a su nùmeru 329-4360961.

Sa Carta si podet lèghere incarchende inoghe.

Pro nd'ischire de prus: http://www.enricolobina.org/situ/carta-di-montarbu-le-associazioni-che-si-occupano-di-lingua-sarda-si-uniscono/

(GF.P.)