Est istada prorogada s'iscadèntzia de su bandu pro s'editzione 2018 de KENTZEBOGHES, su primu cuncursu pro progetos tzinematogràficos in limbas e dialetos de Sardigna, chi est promòvidu dae s'assòtziu culturale Babel, dae sa Sotziedade Umanitària - Cineteca Sarda de Casteddu, dae EjaTV, dae Areavisuale Film e dae s'assòtziu Boxis.
Su cuncursu cheret valorizare su tzìnema de sas minorias e in manera particulare de sas limbas de Sardigna. Dae sos progetos tzinematogràficos premiados si nd'at a fàghere film.
B'at duas categorias de cuncursu: autores e iscolas. Su primu prèmiu pro sos autores est de 3.000 èuros, su segundu de 2.000 èuros.
Su prèmiu KENTZEBOGHES pro iscola mèdia inferiore e superiore est sa dotatzione de una troupe de professionistas chi ant a agiuare in sa produtziones de su film.
Pro partetzipare non si pagat nudda e tocat a mandare sos mòdulos de adesione intro de su 31 de santugaine 2018.
Totu sas informatziones las agatades in sa pàgina http://babelfilmfestival.com/it/kentzeboghes/.
Nessun commento:
Posta un commento
Nota. Solo i membri di questo blog possono postare un commento.