03/10/18

Tresnuraghes - Servìtziu mensa iscolàstica

Risultati immagini per clipart mensa scolastica

S'Assessore a s'Istrutzione Pùblica de su Comune de Tresnuraghes, Dr.ssa Gabriella Sanna, faghet a ischire a sos genitores de sos pitzinnos de s'iscola de s'infàntzia e de s'iscola primària de II gradu (Annu Iscolàsticu 2018-2019), chi dae su 15/10/2018 at a comintzare su servìtziu de mensa iscolàstica.
Sa protzedura previdit prima s'iscritzione a su servìtziu compilende su mòdulu apòsitu e a pustis si devent comporare sos blochetos de sos bonos-pastos. Sos mòdulos de iscritzione cumpilados si devent cunsignare a s'Ufìtziu protocollo intro de MARTIS 09/10/2018. Sos blochetos de sos bonos-pastos, de usare onni die e cunsignare a su personale de su servìtziu de refetzione, si podent ritirare a pustis de àere pagadu su bulletinu de c/c postale n. 12134086. Sos bulletinos sunt a disponimentu in sos ufìtzios postales.
Sos blochetos/ticket cuntenent:
- 10 bonos pastos pro s'iscola primària de segundu gradu pro unu totale de € 27,75, salvu ridutzione pro 2 o prus fìgios;
- 20 bonos pastos pro s'iscola de s'infàntzia pro unu totale de € 45,00, salvu ridutzione pro 2 o prus fìgios.
Sos ufìtzios comunales prepostos sunt a disponimentu pro crarimentos.
Sos costos de sos sìngulos pastos, istabilidos cun Delìbera de G.M. n. 26 de su 20/03/2018, sunt:
- Iscola Primària de II gradu: € 2,75.
- Iscola de s'Infàntzia: € 2,25.
Ridutzione pro 2 o prus fìgios: 20%.

Nessun commento:

Posta un commento

Nota. Solo i membri di questo blog possono postare un commento.