Si bi podet consultare prus de 2.000 vìdeo, 5.600 àudio, 2.600
publicatziones e 33.000 immàgines classificadas cun critèrios
archivìsticos internatzionales. In prus, b'at chimbanta volùmenes de sas
delìberas istòricas de sa Giunta regionale dae su 1949 a su 1956.
Amus agatadu publicadu finas su docu-film intituladu Tempus de baristas,
realizadu in su 1992 dae su regista e etnòlogu australianu David Mac
Dougall. Est una de sas produtziones tzinematogràficas prus connotas de
s'ISRE (Istitutu Etnogràficu de Sardigna).
Su
film, totu in sardu, at retzidu paritzos prèmios. Faeddat de tres
pastores de sos montes de Orthullè (Urzulei): Pietro, giovaneddu de 17
annos, su babbu Franchiscu e s'amigu issoro Miminu, totu crabàrgios.
Ognunu de issos bidet su mundu cun ogros diversos ca sas esperièntzias
de vida sunt istadas diversas.
Su film in versione cumpleta si podet abbaidare incarchende in custu link.
Nessun commento:
Posta un commento
Nota. Solo i membri di questo blog possono postare un commento.