Publicamus cun praghere sos materiales aprontados dae su dotzente Luca Cadeddu pro su cursu de inglesu pro printzipiantes chi amus fatu ocannu passadu in Bosa in sos meses de freàrgiu-martzu.
A su cursu, veiculadu totu in sardu, bi podiant partetzipare dae totu sos Comunes chi aiant aderidu a su progetu de sa Lege 482/1999 pro sas annualidades 2014-2015-2016.
No est sa prima borta chi s'Ufìtziu Limba Sarda proponet unu cursu de inglesu in sardu: su primu s'est fatu in su 2014 e sa novidade de s'idea aiat ispantadu gente meda, chi non creiat chi in sardu s'esseret pòdidu faeddare de cale si siat argumentu (leghe s'artìculu de Dialogo chi nde faeddat).
Sas letziones in Power Point de su cursu de su 2019 si podent iscarrigare intrende in sa pàgina in sardu de su situ istitutzionale de su Comune capu-filera de su progetu.
Sos materiales didàticos de su cursu de su 2014 si podet iscarrigare incarchende in custu link.
(GF.P.)
Nessun commento:
Posta un commento
Nota. Solo i membri di questo blog possono postare un commento.