"Poetende" - Unu blog nou dedicadu a sa poesia sarda

Fotografia leada dae su web

S'Ufìtziu Limba Sarda de Pianalza e Montiferru otzidentale at creadu unu blog nou dedicadu a sa poesia sarda, pro totu sos amantiosos de custa arte nòbile, chi in logos nostros sunt meda.

Su blog est movende sos primos passos e si b'ant a pòdere agatare poesias, libros e cullegamentos a sitos chi tratant de custu argumentu, cun s'isetu chi finas chie non s'est ancora acostadu a custa arte nòbile nde siat incuriosidu e comintzet a si b'apassionare.

Isperamus chi sos poetss de biddas nostras sigant a nos allegrare cun sos cumponimentos issoro, e bos auguramus de bos ispassiare cun custu blog nou chi dedicamus a chie totu istimat custa arte antiga.

Chie tenet praghere de lu bìere si podet cullegare a su link https://poetende.blogspot.com/.

(GF.P.)