"S'amore cun su timbru postale balet de prus"

Foto iscarrigada dae su web

Eris amus agatadu in Rete un'artìculu chi faeddat de un'idea chi at tentu un'educatrice de sa Rsa "Casa Sacro Cuore" de Pianello del Lario (Lagu de Como altu). Custa fèmina, chi si narat Fosca Bettiga, pensende a sos betzos chi sunt immandrados in s'istrutura dae tantos meses sena pòdere bìere mancu sos parentes, at pensadu de propònnere a sa gente de lis mandare cartolinas pro los fàghere intèndere pensados e istimados. "Quest'anno, purtroppo, - narat Fosca Bettiga - gli ospiti hanno avuto un forte calo delle capacità sia fisiche sia, soprattutto, cognitive: la presenza dei familiari manca tanto. Ho pensato che una cartolina, magari di un posto a loro caro, potesse risvegliare qualche ricordo sopito."

Custa initziativa nos est pràghida meda e amus pensadu chi si diat pòdere atuare finas in logos nostros, in particulare in sas residèntzias protetas de Bosa, Iscanu e Sàgama in ue sos òspites pro neghe de s'emergèntzia Covid non podent bìere a niunu dae su mese de freàrgiu.

Si nd'est acostende su Nadale e diat èssere bellu a lis fàghere intèndere s'afetu de mannos e pitzinnos, finas ca ocannu sos pitzinnos de iscola no ant a pòdere andare a lis fàghere sos augùrios.

Nois publicamus sos indiritzos de custas istruturas, e chie cheret podet aderire a s'initziativa pro dare unu momentu de cuntentesa a sos betzeddos nostros.

BOSA:

Casa di riposo "Mario Sanna" - Corso Giuseppe Garibaldi, 1 - 09089 Bosa (OR)

Piccola casa della Divina Provvidenza (Cottolengo) - Via Parpaglia,7 - 09089 Bosa (OR)

ISCANU:

Comunità Alloggio per anziani - Via Angelo Cadau - 09078 Scano di Montiferro (OR)

SAGAMA:

Villa San Gabriele Arcangelo - Via Salita Carmine, 1 - 09090 Sagama (OR)

Chie cheret lèghere s'artìculu chi faeddat de s'initziativa de Fosca Bettiga podet incarcare in custu link.

(GF.P.)