Materiale promotzionale pro sas atividades cummertziales de Pianalza e Montiferru otzidentale

S'Ufìtziu Limba Sarda, pro more de su finantziamentu de sa L. 482/1999 (annualidade 2017), ocannu at detzisu de aprontare materiales promotzionales de dare a sas atividades cummertziales de sas biddas chi ant aderidu a su progetu.

Su materiale (chi podides bìere in sas fotografias chi ponimus in fatu) l'amus dadu a sos Comunes chi s'ant a ocupare de lu distribuire a sas atividades cummertziales sighende sas modalidades chi ant a ritènnere prus adatas. Pro l'otènnere non si pagat nudda.

Custu est s'elencu de su chi amus preparadu:

Bustas pro ispesa (de dare a gioiellerias, butegas de artìculos de regalu o àteras butegas):

Bustas pro pònnere ampullas (de dare a enotecas, profumerias o privados).

Iscàtulos a "bauleddu" (de dare a sas pastisserias ma finas a chie bendet produtos pro sa cura de sa persone).

Tiagitas monouso in pabiru (de dare a ristorantes, pizzerias, agriturismos, Pro Loco etc).

Suta-tassas in pvc (de dare a tzilleris, tzìrculos, Pro Loco etc).

Pabiru pro imboligare regalos (de dare a gioiellerias, butegas de artìculos de regalu e finas a privados chi tenent praghere de l'impreare).

Etichetas adesivas cun frases de augùriu (de dare a gioiellerias, butegas de artìculos de regalu e finas a privados chi tenent praghere de l'impreare).

Auguramus chi custu materiale potzat serbire a dare momentos de gosu e de festa a tanta gente, in custu momentu dificultosu chi semus bivende pro neghe de su Covid.

Gianfranca e Maria Giovanna