Mòdolo - Dinari digitale pro torrare sa Tari a sa gente

Un'initziativa bella a beru de su Comune de Mòdolo, chi podet èssere "copiada" finas dae àteras biddas ca permitit de dare ossìgenu a s'economia e de gestire sa regorta diferentziada in manera frutuosa.

Ocannu sa Giunta de Mòdolo, capitanada dae su sìndigu Omar Hassan, at detzisu chi sa cuota de sa Tari at a èssere torrada a su 100% a sa gente in dinari digitale de ispèndere in butegas de su territòriu cunventzionadas cun su Comune.

Sa matessi cosa s'at a fàghere pro 5 annos.

In custa manera s'otenent resurtados meda: sa regorta diferentziada at a megiorare ancora, totu sos utentes ant a pòdere pagare ca su Comune s'impignat a rimborsare sa pagamenta a su 100% e sas butegas nd'ant a tènnere benefìtziu mannu ca sa gente at a ispèndere su dinari in su territòriu.

Est una cosa noa, moderna, ùtile, chi at a dare frutos meda.

Ascurta sa nova in su Tg de Videolina

Leghe s'artìculu de La Nuova Sardegna

(GF.P.)