Ocannu sa mùsica at a fàghere de ghia a chie cheret imparare a faeddare e a iscrìere in sardu: cun s'agiudu de dotzentes espertos amus a connòschere mègius paràulas, testos e mùsicas de su panorama musicale sardu, e amus a cumprèndere comente, cantende, est prus fàtzile a imparare sa limba sarda e sas règulas suas finas pro chie no est abituadu a la praticare.
Sos cursos sunt 2 de 30 oras ognunu, destinados a sos dipendentes comunales e abertos a chie est interessadu a s'argumentu. Pro partetzipare non si pagat nudda.
Chie est interessadu devet cumpilare su mòdulu de adesione e l'imbiare a s'indiritzu e-mail uls.planargiamontiferru@gmail.com intro de sàbadu 11 de cabudanni 2021.
Pro ativare ogni cursu bi cherent nessi 10 adesiones e nessi una tertza parte devet èssere formada dae dipendentes comunales.
Si sas adesiones non sunt bastantes pro ativare unu cursu, chie s'est iscritu (si nde tenet praghere) podet leare parte a s'àteru.
(GF.P.)
Nessun commento:
Posta un commento
Nota. Solo i membri di questo blog possono postare un commento.