"Grazia Die" - Contos, mùsica e riflessiones pro ammentare a Grazia Deledda

Grazia Deledda in una pintura de Sandru Dessì

Dae sa collaboratzione intre Radio Planargia e s'Ufìtziu Limba Sarda de Pianalza e Montiferru otzidentale naschet su "Grazia Die", ammentu de Grazia Deledda a pustis de 150 annos dae sa nàschida sua.

In una trasmissione fata de contos, ammentos, riflessiones e mùsica, sas operadoras Gianfranca Piras e Maria Giovanna Serchisu ant a ammentare s'iscritora chi at fatu connòschere sa Sardigna a totu su mundu e chi est istada s'ùnica italiana a retzire su prèmiu Nobel pro sa literadura, in su 1926.

Chie tenet praghere de ascurtare sa trasmissione si podet cullegare a custu link  lunis 27 de cabudanni a mesudie (h 12,00) e a sas 5 de sero (h 17,00).

(GF.P.)