02/08/22

Su Bonus pro sa prima domo si podet otènnere (finas a su 31 de nadale) finas cun ISEE artu

Sa Lege de Bilàntziu 2022 at prorogadu finas a su 31 de nadale su Bonus “Prima Domo”, cuncordadu dae su Guvernu pro agiuare sas famìllias in dificultade.

Su Bonus est pensadu pro dare un’agiudu a sos giòvanos chi tenent prus pagu de 36 annos e chi cherent comporare sa prima domo

Chie lu podet otènnere: lu podent pedire sas còpias e sos bajanos chi apant comporadu o depant comporare sa prima domo e tèngiant un’indicadore ISEE chi non sobret sos 40.000 èuros.

Tipologias: 1) còmporos intre privados: non si pagant imposta catastale, imposta ipotecària e imposta de registru; 2) còmporos sugetos a Iva: si podet otènnere unu crèditu de imposta chi agualet su tributu versadu pro comporare sa prima domo, e non si pagant sas impostas catastales e sas de registru.

In su Bonus intrant sos immòbiles residentziales (categoria A), non sos de lussu. Si podet impreare finas pro comporare magasinos e box (C/2), garàgios (C/6) e lògias (C/7).

Comente si rechedet su contributu: tocat de presentare domanda a sa Banca o a s’Intermediàriu finantziàriu chi devet dare su mùtuu.

Cando iscadit: sas domandas cherent mandadas intro de su 31 de nadale 2022.

Totu sas informatziones si podent agatare in su link chi sighit:

(GF.P.)

Nessun commento:

Posta un commento

Nota. Solo i membri di questo blog possono postare un commento.