Su banduleri (‘vagabondo’) Antoni Nàtziu Garau cun sa bitzicleta sua nos
acumpàngiat in unu biàgiu chi nos faghet connòschere biddas e tzitades de
Sardigna cun sas particularidades, sa gente e sa cultura chi lis sunt pròpias. Movende.si a
manera lenta, a caddu de una bitzicleta betza, su banduleri tenet su tempus de
ammirare sas bellesas de su territòriu, sos nuscos de sa natura, sos sabores de
sa coghina sarda, sos segretos de sas festas traditzionales, e podet cumprèndere
mègius sos mistèrios de sa Sardigna, ìsula “antiga finas pro sos antigos”.
“Banduleri a
bitzicleta” est unu programma de Antoni Nàtziu
Garau e Daniele Rosano, finantziadu dae sa Regione Autònoma de Sardigna cun
s’Avisu IMPRENTAS 2021-2022.
Sa trasmissione andat in onda onni martis e onni chenàbura a sas 9 de sero
(h 21) in su canale 79 de su digitale terrestre.
Sa prima puntada, in ue connoschimus sas biddas de Mòguru e Gonnosnò, si podet visionare in su link chi sighit: https://youtu.be/L9Uu-FaOAlk
(GF.P.)
Nessun commento:
Posta un commento
Nota. Solo i membri di questo blog possono postare un commento.