S’Assòtziu
culturale Honebu, cun sa ghia de Pierluigi e Rita Montalbano, presentat un’istajone
culturale noa, comintzada su 7 de santugaine e chi at a sighire finas a su 2 de
martzu 2023. A sas trasmissiones b’at a partetzipare archeòlogos, istòricos e
chircadores chi ant a faeddare de sos istùdios issoro in contu de su patrimòniu
culturale sardu.
“Semper
prus gente cheret connòschere s’istòria e sa cultura sua e tocat a li dare
difusione in canales seguros, in sas àndalas de sos imparos universitàrios e de
su mètodu iscientìficu. Ant a èssere atopos temàticos dedicados a sos
monumentos (nuraghes, tumbas de gigantes, putzos sacros, etc.), a s’arte sacra
(brunzitos e màgines) e a su mundu econòmicu antigu (biàgios, relatziones,
mercados, etc.). Sos atopos ant a èssere totus in direta, onni chenàbura a sas
7 de sero (h 19) in Facebook, YouTube e sa prataforma Streamyard. In onni
puntada b’at a àere un’istudiosu diversu. Sa punna est de acumpangiare a chie
ascurtat in unu percursu iscientìficu pro cumprèndere mègius sos benes
archeològicos nostros” iscrient in una nota de s’assòtziu.
Su
primu atopu s’est fatu chenàbura 7 de santugaine faeddende de sas indàgines
geofìsicas fatas in suta de sa crèsia e de sos suterràneos de Santu Srabadori in
su Sinis.
Chie
tenet praghere de ascurtare sas trasmissiones podet incarcare in sos link chi
sighint:
https://www.facebook.com/pierluigi.montalbano
o si nono:
https://www.youtube.com/channel/UCohe78LTawTFDFEBwp_olag
Custos
eventos Honebu s’ant a fàghere onni chenàbura a sas 7 de sero (h 19,00), semper
in direta, segundu su calendàriu chi sighit:
Chenàbura 14 de santugaine – Gioele
Sasso
Chenàbura 21 de santugaine – Gerolamo
Exana
Chenàbura 28 de santugaine – Michele
Guirguis
Chenàbura 4 de santandria – Mario
Cabiddu e Antonia Pintori
Chenàbura 11 de santandria – Carlo
Tronchetti
Chenàbura 18 de santandria – Gianfranca
Salis
Chenàbura 25 de santandria – Chiara Pilo
Chenàbura 2 de nadale – Daniele Vacca
Chenàbura 9 de nadale – Giorgio Murru
Chenàbura 16 de nadale – Natalia Guiso
(Naty Guì)
Chenàbura 23 de nadale – Angela Antona
Chenàbura 13 de ghennàrgiu – Nicola
Dessì
Chenàbura 20 de ghennàrgiu – Valentina
Leonelli
Chenàbura 27 de ghennàrgiu – Valeria
Putzu
Chenàbura 3 de freàrgiu – Giovanna
Fundoni
Chenàbura 10 de freàrgiu – Augusto Mulas
Chenàbura 17 de freàrgiu – Nadia Canu
Chenàbura 24 de freàrgiu – Ilaria Montis
Chenàbura 2 de martzu – Emina Usai
Pro
s’iscrìere a su canale YouTube non si pagat e si retzit unu signale cando
comintzant sos vìdeos Honebu.
(GF.P.)
Nessun commento:
Posta un commento
Nota. Solo i membri di questo blog possono postare un commento.