'Fainas de iscola' - Una trasmissione noa de Radio Cuore

Radio Cuore, emitente locale de Aristanis, at postu in produtzione una trasmissione noa chi si narat "Fainas de iscola", una rubrica in limba sarda chi tratat de s'oferta formativa de sas iscolas de Aristanis e provìntzia cun intervistas a dirigentes, mastros e professores.

In custa manera sas iscolas podent presentare sas fainas bellas chi faghent e sos istudiantes podent cumprèndere mègius cale podet èssere s'oferta formativa prus adata pro issos.

Sa trasmissione, curada dae Antonello Garau, est realizada pro more de su finantziamentu de s'Assessoradu regionale a s'Istrutzione pùblica. Si podet ascurtare in sa frecuèntzia 97 Mhz onni die a sas 8,35 e a sas 14,34.

Chie cheret podet ascurtare sas puntadas betzas podet incarcare in custu link.