S’ISS, s’Istitutu Superiore de
Sanidade, nos narat comente cheret regorta e fuliada s’àliga de domo.
Si ses positivu o in isulamentu obligatòriu:
·
Non diferèntzies prus s’àliga de domo tua;
·
Imprea duas o tres bustas resistentes, una in
intro de s’àtera, in su cuntenidore pro s’indiferentziada;
·
S’àliga cheret posta totu paris in su
matessi cuntenidore;
·
Sos
mucadoreddos de paperi, sas mascherinas, sos guantes, andant totu in s’indiferentziada;
·
Serra bene sas bustas impreende sos guantes; sos
guantes si nche fùliant in una busta posta a nou pro s’indiferentziada. A pustis
tocat de si samunare bene sas manos;
·
S’àliga nche cheret bogada onni die;
·
In ue bi sunt sas bustas de s’àliga non bi
devent intrare sos animales de cumpannia.
Si non ses positivu e non ses in
isulamentu:
·
Sighi a diferentziare s’àliga comente as semper
fatu;
·
Fùlianche sos mucadoreddos de paperi in s’indiferentziada;
·
Si as impreadu mascherina e guantes fulianchelos
in s’indiferentziada;
·
Pro s’indiferentziada pone duas o tres bustas, bene
serradas, una in intro de s’àtera, in su cuntenidore de semper.
(M.G.S.)
Nessun commento:
Posta un commento
Nota. Solo i membri di questo blog possono postare un commento.